ᓱᕐᕋᖕᓇᖅᑐᑦ, ᐃᓱᒪᒃᑯᑦ ᖃᓄᐃᙱᑦᑎᐊᖕᓂᖅ, ᐅᐃᕆᓯᒪᓂᕐᓗ

ᐅᐃᕆᓐᓇᖅᐸ ᓱᕐᕋᖕᓇᖅᑐᖅ?

ᐄ, ᐅᐃᕆᓐᓇᖅᑐᖅ ᓱᕐᕋᖕᓇᖅᑐᖅ. ᐊᑲᐅᙱᓕᐅᕈᑕᐅᓂᕋᖅᑕᐅᖕᒥᔪᖅ ᓱᕐᕋᖕᓇᖅᑐᖅ ᓱᕐᕋᖕᓇᖅᑐᓗᐊᖃᑦᑕᖕᓂᕐᓘᓐᓃᑦ. ᐃᒪᐃᑐᐃᓐᓇᕆᐊᖃᖅᐳᑦ:

  • ᐱᓕᕆᐊᓂ ᐱᐊᓂᙱᓪᓗᓂᐅᒃ, ᐃᓕᓐᓂᐊᕐᑕᓂᑦ, ᐊᖏᕐᕋᒥᓪᓘᓐᓃᑦ;
  • ᖁᔭᓈᖅᓯᓂᖅ ᐱᒻᒪᕆᐅᔪᓂᑦ ᐃᓅᖃᑎᒌᖕᓂᖕᓂᑦ, ᐃᖅᑲᓇᐃᔮᒥᓂᑦ, ᕿᑎᖕᓂᖕᓂᓪᓘᓐᓃᑦ ᓱᕐᕋᖕᓇᖅᑐᓗᐊᒧᑦ;
  • ᓱᕐᕋᖕᓇᖅᑐᒐᔪᒡᓗᓂ ᐊᖏᔪᒥᒡᓗ ᐊᑯᓂᐅᔪᒥᒡᓘᓐᓃᑦ;
  • ᐱᓗᐊᖅᑕᐃᓕᔪᓐᓇᐃᓕᓂᖅ ᐊᐅᓚᑦᑎᔪᓐᓃᖕᓂᕐᓘᓐᓃᑦ ᓱᕐᕋᖕᓇᖅᑐᖃᑦᑕᖕᓂᖕᒧᑦ;
  • ᓱᕐᕋᖕᓇᖅᑐᖕᓂᕐᓴᐅᓕᕐᓗᓂ ᓱᕐᕋᒐᓱᒡᓗᓂ (ᓱᖏᐅᑎᓯᒪᓂᐅᓂᕋᖅᑕᐅᔪᖅ);
  • ᐊᑐᐃᓐᓇᖕᓂᖅ ᐱᐅᙱᑦᑐᓂᑦ ᓴᖅᑭᑦᑐᖃᓕᕋᓗᐊᖅᑎᓪᓗᒍ.

ᑭᓇᑐᐃᓐᓇᖅ ᓱᕐᕋᖕᓇᖅᑐᖅᑐᑐᖃᐅᓕᖅᐸᑦ ᐊᑐᒐᔪᒃᓗᒍᓘᓐᓃᑦ, ᖃᓂᒻᒪᒍᓐᓇᖅᑐᑦ ᓄᖅᑲᑳᓪᓚᒃᐸᑕ. ᖀᓕᖕᓂᕋᖅᑕᐅᓲᑦ. ᖀᓕᖕᓃᑦ ᐃᓚᖏᑦ ᐅᑯᐊ ᓂᙵᐅᒪᓂᖅ, ᓯᕘᕋᓂᖅ, ᑯᒃᓴᓱᖕᓂᖅ, ᓄᖅᑲᖔᕈᓐᓇᙱᓐᓂᖅ, ᓯᓂᒍᓐᓇᙱᓐᓂᖅ, ᐱᔪᒪᓗᐊᖕᓃᑦ, ᑳᖏᓕᕐᓗᓂᓗ. 

ᖃᓄᐃᒻᒪ ᐃᓚᖏᑦ ᓱᕐᕋᖕᓇᖅᑐᖅᑐᓲᖑᕙᑦ?

  • ᐃᓚᖏᑦ ᓱᕐᕋᖕᓇᖅᑐᖅᑐᓲᑦ ᐊᔾᔨᒌᙱᑦᑐᓂᑦ ᐱᔾᔪᑎᖃᖅᖢᑎᒃ, ᕿᑲᐅᑎᒋᓪᓗᒍ, ᐃᓅᖃᑎᒌᖕᓂᖕᒧᑦ, ᑕᖕᓂᒧᑦ ᖁᕕᐊᓲᑎᓄᑦ, ᖃᓄᐃᓕᐅᑦᑎᐊᕈᒪᓪᓗᑎᒃ, ᐃᓅᓕᓴᐅᑎᒋᓗᒋᓪᓘᓐᓃᑦ. ᐊᓯᖏᑦ ᐊᑐᑐᐃᓐᓇᕆᐊᓖᑦ ᖃᓄᐃᙱᔾᔪᑎᒋᓇᓱᒡᓗᓂᔾᔪᒃ ᐃᓗᐊᙱᑦᑐᓂᑦ ᐃᒃᐱᒍᓱᒃᑕᐃᓕᓗᑎᒃ, ᐃᓱᒪᑦᑎᐊᕈᒪᓪᓗᑎᒃ, ᐃᒻᒥᒥᒃ ᐅᐱᒋᙱᓐᓂᖕᒧᑦ, ᖃᓄᐃᓴᕋᐃᓐᓂᖕᒧᓪᓗ. 
  • ᐃᓄᐃᑦ ᖃᓄᐃᓪᓗᒃᑕᐅᓯᒪᓪᓗᑎᒃ ᐃᓅᓯᖕᒥᓂᒃ, ᐊᒃᓱᕉᓴᖕᓂᑯᑦ, ᐊᒃᓱᕈᔭᑦᑐᓪᓘᓐᓃᑦ ᐊᒃᓱᕉᑎᓄᑦ ᓱᕐᕋᖕᓇᖅᑐᖃᑦᑕᑐᐃᓐᓇᕆᐊᓖᑦ ᐊᓯᖏᓐᓂᒡᓘᓐᓃᑦ ᐄᔭᒐᓂᑦ ᐃᓗᐊᙱᑦᑐᓂᑦ ᐃᓱᒪᔪᒪᓇᑎᒃ ᐃᒃᐱᒍᓱᒍᒪᓇᑎᒡᓘᓐᓃᑦ.  ᖃᐅᔨᒍᕕᑦ ᑕᐃᒪᐃᑦᑐᑎᑦ, ᐃᓄᑑᙱᓚᑎᑦ ᐃᑲᔪᖅᑎᒃᓴᖃᖅᖢᓂᓗ.

ᐃᑲᔪᖅᑕᐅᔪᒪᒍᕕᑦ ᐊᑲᐅᙱᓕᐅᕈᑎᔭᖕᓄᑦ ᓱᕐᕋᖕᓇᖅᑐᖅᐸᖕᓂᖕᒧᑦ ᓱᕐᕋᖕᓇᖅᑐᖅᑐᓗᐊᖃᑦᑕᕈᕕᓪᓘᓐᓃᑦ, ᐃᓱᒪᓕᕆᔨᐅᔪᒧᑦ ᐋᓐᓂᐊᓯᐅᑎᒧᑦ ᐅᖃᖃᑎᖃᕈᓐᓇᖅᑐᑎᑦ ᐊᓯᐊᓄᓪᓘᓐᓃᑦ ᐋᓐᓂᐊᓯᐅᑎᒻᒪᕆᖕᒧᑦ ᓄᓇᔅᓯ ᐋᓐᓂᐊᕕᐊᓂᑦ. ᖃᐅᔨᒪᔭᐅᙱᓪᓗᑎᑦ ᐃᑲᔪᖅᑕᐅᔪᒪᒍᕕᑦ, ᐅᖄᓚᓗᑎᒃ ᓄᓇᕗᑦ ᑲᒪᑦᑎᐊᖅᑐᑦ ᐅᖄᓚᕕᐊᓄᑦ (ᐊᑐᐃᓐᓇᐅᓲᑦ ᐃᑲᕐᕋᑦ 24 ᐅᓪᓗᖕᒥᑦ, ᐅᓪᓗᑦ 7 ᐱᓇᓱᐊᕈᓯᖕᒥᑦ) ᐅᕗᖓ 867-979-3333 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ 1−800-265-3333; ᑐᐊᕕᖕᓇᖅᑐᓕᕆᔨᒃᑯᑦ ᑲᓇᑕᒥᑦ – ᖃᕆᑕᐅᔭᒃᑯᑦ  

ᐅᖃᖃᑎᖃᕐᓗᑎᒃ (www.crisisservicescanada.ca), ᐅᖄᓚᓗᑎᑦ, ᑎᑎᕋᕐᓗᑎᓪᓘᓐᓃᑦ ᐅᕗᖓ 1-833-456-4566; ᐃᓴᒃᓯᒪᒋᑦ ᐃᓅᓯᕐᒥ ᑲᑕᐅᔾᔭᖃᑎᒌᑦ ᑲᑎᒪᔨᖏᑦᑕ ᐃᑭᐊᖅᑭᕕᐊᓄᑦ (www.inuusiq.com), ᐅᖄᓚᓗᑎᓪᓘᓐᓃᑦ ᐊᑭᖃᙱᑦᑐᒧᑦ ᐅᕗᖓ 1-866-804-2782.

ᑲᓱᕐᕕᒃ ᖃᓄᐃᙱᑦᑎᐊᖕᓂᒃᑯᑦ ᖃᓄᖅᑑᕈᓐᓇᖕᓂᖅ (ᐃᓱᒪᓕᕆᔪᑦ)

ᑲᓱᕐᕕᖕᒧᑦ RACK-ᒧᑦ