ᖃᓄᕐᓕ ᐊᑦᑕᖕᓇᙱᓐᓂᕐᓴᐅᑎᑦᑐᓐᓇᕋᒃᑯ ᓱᕐᕋᖕᓇᖅᑐᖅᐸᒡᓗᖓ?

ᐊᙱᑦᑎᐊᒻᒪᕆᒡᓗᓂ ᓱᕐᕋᖕᓇᖅᑐᓂ ᐊᑲᐅᓛᖅ ᐊᑦᑕᖕᓇᖅᑐᒦᑦᑕᐃᓕᒪᓗᓂ. ᓱᕐᕋᖕᓇᖅᑐᖅᑐᖕᓂᐊᕈᕕᑦ, ᐅᑯᐊ ᐃᓱᒪᒋᓗᒋᑦ ᐊᑦᑕᖕᓇᖅᑐᒦᖁᓇᒃ:

  • ᓱᕐᕋᖕᓇᖅᑐᖕᓂᐊᕈᕕᑦ, ᒥᑭᔪᒥᑦ ᐆᒃᑐᖅᑳᓚᐅᕐᓗᑎᒃ ᖃᐅᔨᓴᕐᓗᒍ ᓴᙱᓂᖓᓂ. ᐅᑕᖅᑭᓚᐅᕐᓗᑎᒃ ᓱᕐᕋᖕᒪᖔᑦ ᐱᒃᑲᓐᓂᓚᐅᖅᑳᖕᓇᒃ. ᑕᒪᓐᓇ ᐱᒻᒪᕆᐅᔪᖅ ᓂᕆᓂᐊᕐᓗᓂ ᓱᕐᕋᖕᓇᖅᑐᒥᑦ, ᐊᑯᓂᐅᓂᕐᓴᐅᑐᐃᓐᓇᕆᐊᓕᒃ − ᐃᑲᕐᕋᓄᑦ ᖃᔅᓯᐊᕐᔪᖕᓄᑦ − ᐅᔾᔨᖕᓇᖅᑐᒥᑦ ᓱᕐᕋᒃᐸᑦ ᑎᒥᖕᓄᑦ.
  • ᓱᕐᕋᖕᓇᖅᑐᖅᐸᙱᓪᓗᑎᒃ THC−ᖃᓗᐊᖅᑐᓂᒃ ᑖᒃᑯᐊ ᐊᑦᑕᖕᓇᖕᒪᑕ ᑎᒥᒧᑦ ᐱᐅᓇᓂᓗ.
  • ᓴᓇᐅᒐᓂᑦ ᓱᕐᕋᖕᓇᖅᑐᖅᐸᙱᓪᓗᑎᑦ (ᓲᕐᓗ Spice−ᒥᒡᓘᓐᓃᑦ K2−ᒥᒡᓘᓐᓃᑦ), ᑖᒃᑯᐊ ᖃᐅᔨᒪᔭᐅᖕᒪᑕ ᐊᑲᐅᙱᓕᐅᕈᑕᐅᓕᕈᓐᓇᖕᓂᖓᓂ ᐋᓐᓂᐊᒧᑦ, ᐃᓚᐅᓪᓗᓂ ᐃᓅᔪᓐᓃᖕᓂᖅ.
  • ᐊᖁᑉᐸᙱᓪᓗᑎᑦ ᐊᐅᓚᐅᑎᓕᖕᒥᑦ (ᓲᕐᓗ ᓄᓇᓯᐅᑎ, ᓄᓇᓯᐅᑎᕐᔪᐊᖅ, ᑎᓴᒪᓕᒃ, ᖃᒧᑕᐅᔭᖅ, ᐅᒥᐊᖅ, ᑕᒪᒃᑯᐊᓗᖀᑦ) ᓱᕐᕋᖕᓇᖅᑐᓚᐅᕐᓗᑎᑦ.

RackCards_Illustrations_Wait6Hours copy_op.png

  • ᓱᕐᕋᖕᓇᖅᑐᑦ ᐃᓱᒪᓕᐅᑦᑎᐊᖕᓇᙱᓚᑦ, ᐃᓱᒪᒃᓴᖅᓯᐅᑦᑎᐊᖕᓇᕋᓂ, ᒪᑭᒪᑦᑎᐊᙱᓪᓗᓂ, ᐊᑕᐅᓯᐅᙱᑦᑐᒥᑦ ᖃᓄᐃᓕᐅᕈᓐᓇᕋᓂᒃ, ᖃᓄᐃᓕᑲᐅᖅᑐᕈᓐᓇᕋᑎᒡᓗ. ᑕᐃᒃᑯᐊ ᐊᑦᑕᖕᓇᖅᑐᒦᑎᑦᑎᑦᑕᐃᓕᓂᖕᒧᑦ ᐱᓕᕆᐊᓖᑦ ᐸᖅᑭᓲᓪᓘᓐᓃᑦ ᐃᓄᖕᓂᑦ ᓱᕐᕋᖕᓇᖅᑐᖃᑦᑕᖁᔭᐅᙱᓚᑦ ᐃᖅᑲᓇᐃᔭᖅᑎᓪᓗᒋᑦ.
  • ᓱᕐᕋᖕᓇᖅᑐᖅᓵᓕᓗᐊᙱᓪᓗᑎᒃ ᒪᒃᑯᒃᑎᓪᓗᑎᑦ. ᓱᕐᕋᖕᓇᖅᑐᖅᓵᓕᙱᒃᑯᕕᑦ, ᐊᑦᑕᖕᓇᙱᓐᓂᕐᓴᐅᓇᔭᖅᐳᑦ ᑎᒥᖕᓄᑦ.
  • ᓱᐴᖅᑐᖅᐸᙱᓪᓗᑎᑦ ᓱᕐᕋᖕᓇᖅᑐᓂᑦ ᐳᕙᖕᓄᑦ ᐊᑲᐅᙱᓕᐅᕈᑎᖃᖁᓇᒃ. ᓱᕐᕋᖕᓇᖅᑐᖅᑐᖕᓂᐊᕈᕕᑦ, ᐳᔫᖅᑎᔾᔪᑎᒥᑦ ᓂᕆᔭᒃᓴᓂᒡᓘᓐᓃᑦ ᐱᖔᕐᓗᑎᑦ.
  • ᖃᐅᑕᒫᙱᓪᓗᓂ ᖃᐅᑕᒫᑲᓴᒡᓘᓐᓃᑦ ᓱᕐᕋᖕᓇᖅᑐᒥᑦ. ᓱᕐᕋᖕᓇᖅᑐᖅᑐᖃᑦᑕᖕᓂᐊᕈᕕᑦ, ᐊᑕᐅᓯᖅ ᐱᓇᓱᐊᕈᓯᖕᒥᑦ ᑐᖔᓂᒡᓘᓐᓃᑦ  ᐊᑐᖁᔭᐅᕗᑦ.

RackCards_Illustrations_NotMoreOnceWeek copy_op.png

  • ᓱᕐᕋᖕᓇᖅᑐᖅᐸᙱᓪᓗᑎᑦ ᐃᒡᕕᑦ ᐃᓚᖕᓂᓪᓘᓐᓃᑦ ᐃᓱᒪᒃᑯᑦ ᐃᓕᖅᑯᓯᖅᓱᖅᓯᒪᙱᒃᑯᕕᑦ ᐊᑐᕐᓂᕐᓗᖃᑦᑕᕋᕕᓪᓘᓐᓃᑦ ᐋᖓᔮᖕᓇᖅᑐᓂᑦ.
  • ᓱᕐᕋᖕᓇᖅᑐᖃᑦᑕᙱᓪᓗᑎᑦ ᓇᔾᔨᒍᕕᑦ ᐊᒫᒪᒃᑎᑦᑎᒍᕕᓪᓘᓐᓃᑦ ᐃᕕᐊᖏᖕᒥᑦ ᓱᕐᕋᖕᓇᖅᑐᑦ ᓈᒻᒪᙱᑦᑐᓂᑦ ᐊᒃᑐᐃᓂᖃᑯᑖᑐᐃᓐᓇᕆᐊᖃᖕᒪᑦ ᓇᔾᔨᐊᒧᑦ/ᓄᑕᕋᒧᑦ.

RackCards_Illustrations_Pregnancy_0.png

  • ᓱᕐᕋᖕᓇᖅᑐᖃᑦᑕᙱᓪᓗᑎᑦ ᑕᕝᕚᑭᓕᖕᒥᑦ ᐅᓗᕆᐊᓇᕆᐊᓪᓚᒍᑕᐅᔪᓐᓇᖕᒪᑦ ᑎᒥᒧᑦ ᐳᕙᖕᓄᓪᓗ.
  • ᓱᕐᕋᖕᓇᖅᑐᖃᑦᑕᙱᓪᓗᑎᑦ ᐃᓚᓯᒪᓗᓂ ᐊᓯᖏᓐᓂᑦ ᐋᖓᔮᖕᓇᖅᑐᓂᑦ ᐄᔭᒐᓂᒡᓘᓐᓃᑦ ᓘᒃᑕᒥᑦ, ᐃᒥᐊᓗᒃ ᐃᓚᐅᓪᓗᓂ.

RackCards_Illustrations_NotMixWithAlcoholMedication copy_op.png

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑦᑕᖕᓇᓗᐊᕐᑕᐃᓕᒪᑎᑦᑎᓂᖕᒥᑦ ᓱᕐᕋᖕᓇᖅᑐᖅᐸᖕᓂᖕᒧᑦ ᐅᓇ ᓇᕿᓪᓗᒍ:   https://www.camh.ca/en/research/news_and_publications/reports_and_books/Documents/LRCUG.KT.Professional.15June2017.pdf

Resources