ᑎᒥᒧᑦ ᐊᑦᑕᖕᓇᖅᑐᑦ ᐅᓗᕆᐊᓇᖅᑐᓪᓗ

RackCards_Illustrations_EffectsOnBody copy_op_1.png

ᐊᑯᓂᐅᔪᒧᑦ ᖃᓄᐃᔾᔪᑕᐅᓲᑦ ᓱᕐᕋᖕᓇᖅᑐᓂᑦ ᐊᑐᖅᐸᖕᓂᖕᒧᑦ ᐅᑯᐊᖑᑐᐃᓐᓇᕆᐊᓖᑦ:

  • ᐊᑦᑕᖕᓇᖕᓂᕐᓴᐅᓕᕐᓗᓂ ᐃᓱᒪᒥᒍᑦ ᖃᓄᐃᓐᓂᖓ ᓲᕐᓗ ᓯᕘᕋᓴᕋᐃᓐᓂᖅ, ᓂᑲᓪᓗᖓᓂᖅ, ᐃᓱᒪᑦᑎᐊᙱᓐᓂᕐᓗ, ᐱᓗᐊᖅᑐᒥᑦ ᐃᓄᖕᓄᑦ ᐃᓚᖏᑦ ᑕᐃᒪᐃᑦᑐᓂᑦ ᐋᓐᓂᐊᕈᑎᖃᖅᐸᓚᐅᖅᐸᑕ;

FB_2018Posts_Batch01_Nobackground_Post11 copy_op_0.png

  • ᐊᑦᑕᖕᓇᕐᓯᓗᓂ ᐅᐃᕆᓐᓂᖕᒧᑦ ᓱᕐᕋᖕᓇᖅᑐᒧᑦ;
  • ᐃᖅᑲᐅᒪᔪᓐᓇᑦᑎᐊᙱᓪᓗᓂ, ᓈᓚᒍᓐᓇᑦᑎᐊᙱᓪᓗᓂ, ᐃᓱᒪᑦᑎᐊᕈᓐᓇᙱᓪᓗᓂ, ᐃᓱᒪᓂᖓ, ᖃᓄᖅᑑᕈᓐᓇᑦᑎᐊᖏᓪᓗᓂᓗ ᖃᐅᑕᒫᑦ ᓱᕐᕋᖕᓇᖅᑐᖅᑐᒃᐸᒃ; ᐊᒻᒪᓗ

                                                     FB_2018Posts_Batch01_Nobackground_Post08 copy_op_2.png

ᐊᓂᖅᓵᑦᑎᐊᕈᓐᓇᐃᓪᓕᓗᓂᓐ ᓱᐴᑐᒐᖃᑦᑕᖕᓂᖕᒧᑦ ᓱᕐᕋᖕᓇᖅᑐᓂᑦ, ᓲᕐᓗ:

  • ᖁᐃᖅᓱᑲᑕᖕᓂᖅ;                              
  • ᐊᓂᕐᑎᕆᑦᑎᐊᙱᓪᓗᓂ; 
  • ᐊᓂᕐᓂᑭᓪᓗᓂ;
  • ᓴᒡᕕᐊᒍᑦ ᓱᑲᖓᓗᓂ; ᐊᒻᒪᓗ

  • ᐊᓂᖅᓵᖅᑐᖅᐸᖕᓂᖓ ᐱᐅᔪᓐᓃᖅᐸᓪᓕᐊᓗᓂ.

ᓱᕐᕋᖕᓇᖅᑐᓄᑦ ᐋᓐᓂᐊᑦ ᐱᐅᔪᓐᓃᖅᐸᓪᓕᕈᓐᓇᖅᐳᑦ ᐃᒫᒃ:

  • ᓱᕐᕋᖕᓇᖅᑐᐃᓐᓂᐅᔭᕐᓗᓂ ᒪᒃᑯᒃᑎᓪᓗᒍ;
  • ᓱᕐᕋᖕᓇᖅᑐᒡᒍᓗᓂ (ᖃᐅᑕᒫᑦ ᖃᐅᑕᒫᑲᓴᒡᓘᓐᓃᑦ); ᐊᒻᒪᓗ
  • ᐊᖏᓗᐊᖅᑐᓂᑦ ᓱᕐᕋᖕᓇᖅᑐᖅᐸᖕᓂᖅ.

ᐊᑦᑕᖕᓇᕈᑏᑦ ᒪᒃᑯᒃᑐᓄᑦ

  • ᑖᒃᑯᐊ ᓄᑕᖅᑲᑦ ᒪᒃᑯᒃᑐᓪᓗ ᓱᕐᕋᖕᓇᖅᑐᖃᑦᑕᕆᐊᖃᙱᑦᑐᑦ ᓇᐃᒪᑎᑕᐅᕙᒡᓘᓐᓃᑦ ᓱᕐᕋᖕᓇᖅᑑᑉ−ᐳᔪᐊᓂᑦ.
  • ᓱᕐᕋᖕᓇᖅᑐᖅᐸᖕᓂᖅ ᐊᒃᑐᐃᕙᒃᐳᖅ ᖃᕆᓴᖕᒥᑦ ᐱᕈᖅᐸᓪᓕᐊᔪᑦ ᒪᒃᑯᒃᓯᓇᓱᒃᖢᓂ (ᒫᓂ 25−ᒐᓚᖕᓂᑦ ᐅᑭᐅᖃᓕᖅᐸᑕ). ᓱᕐᕋᖕᓇᖅᑐᑦ ᐊᓯᔾᔩᔪᓐᓇᖅᑐᑦ ᒪᒃᑯᒃᑑᑉ ᖃᕆᓴᖓᓂᑦ ᐊᑲᐅᙱᓕᐅᕈᑎᖃᕈᑎᒋᓕᕐᓗᓂᐅᒃ ᐃᓱᒪᓂᖕᒥᓂᒃ, ᐱᓕᕆᐊᖃᖕᓂᖕᒥᑦ, ᐃᒃᐱᒋᔭᖏᓐᓂᒡᓘᓐᓃᑦ. ᑖᒃᑯᐊ ᐊᓯᔾᔨᖕᓃᑦ ᐋᖅᑭᒍᓐᓇᐃᓕᑐᐃᓐᓇᕆᐊᓖᑦ ᓱᕐᕋᖕᓇᖅᑐᖅᑐᖅᓵᓕᓗᐊᖅᐸᑦ ᒪᒃᑯᒃᓗᓂ.
  • ᓱᕐᕋᖕᓇᖅᑐᖅᐸᖕᓂᖅ ᒪᒃᑯᓗᐊᖅᖢᓂ ᐊᑦᑕᖕᓇᕈᑕᐅᕗᖅ ᐃᓱᒪᑦᑎᐊᕈᓐᓃᖅᐸᖕᓂᖕᒧᑦ ᐃᓕᖅᑯᓯᖅᓱᕈᓐᓃᕐᓗᓂᓘᓐᓃᑦ ᓲᕐᓗ ᑐᓵᔭᒐᖃᓕᕐᓗᓂ.
  • ᓱᕐᕋᖕᓇᖅᑐᐃᑦᑕᐅᖅ ᐊᑲᐅᙱᓕᐅᕈᑎᐅᔪᓐᓇᖕᒥᔪᑦ ᐃᓕᑦᑎᕙᓪᓕᐊᓂᖕᒥᑦ ᐃᓕᓐᓂᐊᖕᓂᖕᒥᒡᓗ.

 

ᐊᑦᑕᖕᓇᕈᑏᑦ ᓇᔾᔨᔪᓄᑦ

RackCards_Illustrations_Pregnancy.png

  • ᐊᑲᐅᓛᖑᔪᖅ ᓇᔾᔨᔪᑦ ᐋᒫᒪᒃᑎᑦᑎᔪᓪᓘᓐᓃᑦ ᐃᕕᐊᖏᖕᒥᓂᒃ ᓱᕐᕋᖕᓇᖅᑐᖅᑐᖅᐸᙱᓪᓗᑎᒃ. ᓄᑕᕋᓛᒧᑦ ᖃᓄᐃᓕᔾᔪᑕᐅᑐᐃᓐᓇᕆᐊᖃᖕᒪᑦ;
  • ᓱᕐᕋᖕᓇᖅᑐᖅᐸᖕᓂᖅ ᓇᔾᔨᔪᓄᑦ ᐅᕿᓐᓂᕐᓴᒥᑦ ᐃᕐᓂᔾᔪᑎᒋᔪᓐᓇᖅᐸᐅᒃ ᓄᑕᕋᓛᒥᑦ;
  • ᐃᓱᒪᒧᑦ ᓱᕐᕋᖕᓇᖅᑐᑦ ᓱᕐᕋᖕᓇᖅᑐᒥᑦ (THC) ᑲᑎᑦᑐᓐᓇᖅᐳᑦ ᐃᕕᐊᖏᐅᑉ ᐃᒻᒧᐊᓂ ᐊᒫᒪᒃᑎᑦᑎᔪᓄᑦ.

ᓱᕐᕋᖕᓇᖅᑐᖅᐸᖕᓂᖅ ᓇᔾᔨᓪᓗᓂ ᐱᐅᙱᑦᑐᒥᑦ ᐊᒃᑐᐃᓂᖃᑐᐃᓐᓇᕆᐊᓕᒃ ᐱᕈᖅᐸᓪᓕᐊᓗᓂ, ᖃᓄᐃᓕᐅᕐᐸᒡᓗᓂ, ᐊᒃᓱᕈᖅᐸᒡᓗᓂ ᐃᓱᒪᖓᒍᑦ, ᐋᖓᔮᖕᓇᖅᑐᖅᐸᓪᓕᐊᓕᕐᓗᓂᓗ ᑭᖑᓂᐊᒍᑦ

ᓱᕐᕋᖕᓇᖅᑐᖅᑐᓗᐊᕐᓗᓂ ᐃᓅᔪᓐᓃᖅᓇᖅᐹ?

  • ᓱᕐᕋᖕᓇᖅᑐᓗᐊᕈᓐᓇᖅᑐᑦ ᖃᓂᒻᒪᒡᓗᓂᓗ. ᓱᕐᕋᖕᓇᖅᑐᓗᐊᖃᑦᑕᖕᓂᖅ ᒥᕆᐊᙳᓕᓲᑦ ᓈᙳᓕᖅᐸᒃᖢᑎᒡᓗ ᐋᓐᓂᐊᕕᓕᐊᕆᐊᖃᑐᐃᓐᓇᕆᐊᖃᖅᖢᓂ. ᖃᓄᐃᓐᓂᐅᒐᔪᒃᑐᑦ ᑕᐃᒫᒃ, ᑕᐃᔭᐅᔪᑦ ᖃᓪᓗᓈᑐᑦ cannabis hyperemesis syndrome, ᐆᓇᖅᑐᒥᑦ ᐃᕐᒥᒃᖢᓂ ᖃᓄᐃᑦᑐᓐᓃᓚᐅᑳᕐᔪᖕᓇᖅᑐᖅ.
  • ᑐᖁᔪᖃᓚᐅᖅᓯᒪᙱᑦᑐᖅ ᐱᕈᖅᑐᕕᓂᖕᒧᑦ ᓱᕐᕋᖕᓇᖅᑐᖅᑐᓗᐊᖕᓂᑯᒧᑦ. ᑭᓯᐊᓂᓕ, ᓴᓇᐅᒐᑦ ᐃᓚᐅᖅᓯᒪᔪᓪᓘᓐᓃᑦ (ᓲᕐᓗ Spice−ᓗ K2−ᓗ) ᑐᖁᔾᔪᑕᐅᔪᓐᓇᖅᑑᒃ.
  • ᓱᕐᕋᖕᓇᖅᑐᓗᐊᖃᑦᑕᖅᖢᓂ ᐃᒃᐱᖕᓂᐊᓗᐊᖕᓇᖅᑐᖅ ᐃᒃᐱᒍᓱᓗᐊᖕᓇᖅᖢᓂᓗ, ᐃᓚᐅᓪᓗᓂ ᓯᕘᕋᓂᖅ, ᐅᐃᒻᒪᖕᓂᖅ, ᑲᑉᐱᐊᓱᖕᓃᑦ, ᐃᓱᒪᑦᑎᐊᖏᓐᓂᕐᒥᑦ, ᑕᑯᕐᓗᓂᕐᓗ.