ᖃᓄᕐᓕ ᓱᕐᕋᖕᓇᖅᑐᑦ ᐊᑐᖅᑕᐅᓲᖑᖕᒪᑕ?

 

ᐃᓄᐃᑦ ᓱᕐᕋᖕᓇᖅᑐᒥᑦ ᐊᑐᓲᑦ ᖃᓄᕈᓘᔮᓗᒃ: ᐅᑯᐊ ᖃᔅᓯᐊᕐᔪᐃᑦ ᐆᒃᑑᑎᑦ:

ᓱᐴᖅᑐᕐᓂᖅ:

  • ᐃᒧᔭᒐᑦ (ᐸᓂᕐᑎᓯᒪᔪᖅ ᓱᕐᕋᖕᓇᖅᑐᖅ ᐃᒧᓯᒪᓪᓗᓂ ᐃᒧᔭᒃᓴᒧᑦ)
  • ᓱᐴᖅᑑᑏᑦ;
  • ᐃᒧᔭᒐᑦ (ᐃᓚᐃᓐᓇᖓᓂᑦ ᑕᒪᐃᓐᓂᒡᓘᓐᓃᑦ ᓯᒡᒑᒧᑦ ᐃᒧᓯᒪᔪᖅ ᓱᕐᕋᖕᓇᑐᖅᒥᑦ);

ᐃᒥᖅᖢᒍ ᓂᕆᓪᓗᒍᓘᓐᓃ:

  • ᑏᓂᑦ
  • ᓯᖃᓪᓕᓯᒪᓪᓗᑎᒃ ᓂᐅᖅᑲᒐᑦ
  • ᐆᓯᒪᓪᓗᑎᒃ

ᐳᔪᖅᑐᖕᓃᑦ:

  • ᓂᐅᖅᐸᒃᖢᒍ ᐳᔪᑦ ᓱᕐᕋᖕᓇᖅᑐᒥᑦ ᑕᖏᐊᓂᒡᓗ ᓲᕐᓗ ᐅᔭᕋᒃᑎᒧᑦ ᐃᒡᓯᖓᓂᒡᓘᓐᓃᑦ ᐳᔫᕈᑎᒧᑦ;

ᑯᓯᖃᑦᑕᖕᓂᖅ

  • ᓱᕐᕋᖕᓇᖅᑐᑦ ᐊᒻᒪᓗ/ᐅᕝᕙᓘᓐᓃᑦ ᐃᔅᓯᖓ ᐆᓇᖅᓯᑎᖦᖢᒍ ᐆᓇᖅᑐᒧᑦ ᓂᐅᖅᖢᒍᓗ;

ᐊᒡᒐᒃᓯᐅᑏᑦ, ᐅᕕᓂᒃᓯᐅᑏᑦ, ᑭᓂᖅᑐᓪᓘᓐᓃᑦ

  • ᐅᕕᓂᖕᒧᑦ ᐊᑐᖅᖢᒍ ᐅᖃᐅᓪᓘᓐᓃᑦ ᐊᑖᓄᐊᖅᖢᒍ.

ᖃᓄᖅ ᐊᔾᔨᒌᙱᒻᒪᑕ ᐃᓅᓕᓴᐅᑎᑦ ᓱᕐᕋᖕᓇᖅᑐᑦ ᐊᖏᖅᑕᐅᓯᒪᙱᑦᑐᓪᓗ ᓱᕐᕋᖕᓇᖅᑐᑦ?

ᐃᓅᓕᓴᐅᑎ ᓱᕐᕋᖕᓇᖅᑐᑦ ᐊᑐᖅᑕᐅᓲᑦ: ᐃᓄᐃᑦ ᖃᓄᐃᓪᓚᕆᒃᑐᒥᑦ ᐋᓐᓂᐊᕈᑎᓖᑦ ᐊᖏᖅᑕᐅᔪᓐᓇᖅᐳᑦ ᓘᒃᑖᒥᑦ ᐊᑐᕐᓂᐊᕐᓗᓂ ᐃᓅᓕᓴᐅᑎᓂᒃ ᓱᕐᕋᖕᓇᖅᑐᓂᑦ. ᓘᒃᑖᒧᑦ ᑎᑎᖅᑲᖏᑦ ᑎᑎᕋᖅᑕᐅᔭᕆᐊᖃᖅᑐᑦ.

ᐊᖏᖅᑕᐅᓯᒪᙱᑦᑐᑦ−ᓱᕐᕋᖕᓇᖅᑐᑦ ᐊᑐᖅᑕᐅᓲᑦ:  ᐊᖏᖅᑕᐅᓯᒪᙱᑦᑐᑦ ᓱᕐᕋᖕᓇᖅᑐᑦ ᑕᐃᔭᐅᕙᒃᑭᕗᑦ ᖁᕕᐊᓲᑕᐅᓇᓱᒃᖢᓂ ᓱᕐᕋᖕᓇᖅᑐᖅ. ᐅᑯᐊ ᐃᓄᐃᑦ ᑲᓇᑕᒥᑦ ᓯᖁᒥᑦᑎᓂᒃᑯᑦ ᒪᓕᒐᓂ ᐊᑐᓲᑦ ᖁᕕᐊᓲᑎᓂᒡᓘᓐᓃ ᓱᕐᕋᖕᓇᖅᑐᓲᑦ ᐃᓅᓕᓴᕋᓱᒃᖢᑎᒃ. ᓱᕐᕋᖕᓇᖅᑐᐃᑦ ᐃᓅᓕᓴᐅᑎᒨᙱᑦᑐᖅ ᒪᓕᒐᑎᒎᓛᓕᖅᑐᑦ ᑲᓇᑕᒥᑦ ᐅᑐᐱᕆ 2018−ᒥᑦ. ᒫᓐᓇᓕ, ᐃᓅᓕᓴᐅᑎᐅᙱᑦᑐᑦ ᓱᕐᕋᖕᓇᖅᑐᐃᑦ ᓱᓕ

ᒪᓕᒐᑎᒎᖓᙱᓪᓚᑦ. ᓱᕐᕋᖕᓇᖅᑐᑦ ᐱᕋᔭᖕᓂᒃᑯᑦ ᐱᔭᐅᔪᑦ ᐊᑦᑕᖕᓇᖕᓂᕐᓴᐅᕗᑦ ᓴᙱᓗᐊᕐᓂᖏᓐᓄᑦ ᐱᓪᓚᑦᑖᖑᓂᖏᓪᓗ ᐃᓗᐊᓃᑦᑐᑦ ᓇᓗᔭᐅᖕᒪᑕ. ᐃᓚᖓᑦ ᐊᑦᑕᖕᓇᙱᓐᓂᕐᓴᐅᓇᔭᖅᑐᖅ ᐱᕋᔭᖕᓂᒃᑯᑦ ᓂᐅᕕᖕᓂᖕᓂᑦ ᓂᐅᕕᖅᐸᒡᓗᑎᒃ ᓱᕐᕋᖕᓇᖅᑐᓂᑦ ᒪᓕᒐᑎᒍᑦ ᐱᔪᓐᓇᐅᑎᓕᖕᒥᑦ.