ᑭᓲᖕᒪᑦ ᓱᕐᕋᖕᓇᖅᑐᖅ?

ᓱᕐᕋᖕᓇᖅᑐᖅ ᐱᕈᖅᑐᒥᙶᖅᐳᑦ ᓴᓇᔭᐅᔪᓐᓇᕐᖢᓂᓗ ᐊᑐᕐᑕᐅᓗᓂᓗ ᐊᒥᓱᓄᑦ ᖃᓄᑐᐃᓐᓇᖅ.

ᓴᓇᔭᐅᓂᖓ ᓱᕐᕋᖕᓇᖅᑑᑉ ᐱᖓᓱᐃᓕᖓᕗᑦ:

  • ᐸᓂᖅᑐᑦ   ᓱᕐᕋᖕᓇᖅᑐᐃᑦ ᓴᓇᓯᒪᕗᑦ ᐱᕈᖅᑑᑉ ᓄᕗᖏᓐᓂᑦ ᐅᖃᐅᔭᖏᓐᓂᒡᓗ ᓱᕐᕋᖕᓇᑑᑉ ᐱᕈᖅᓯᐊᖓᓂᑦ. ᑖᒃᑯᐊ ᐃᓛᓐᓂᒃᑯᑦᑕᐅᖅ ᑕᐃᔭᐅᓲᑦ ᓱᐴᖅᑐᒐᖕᒥᑦ, ᓱᕐᕋᖕᓇᖅᑐᑦ, ᖔᓐᔭ, ᐃᕕᒃ, ᓄᕗᖏᑦ, ᒪᐃᓕ ᔭᐃᓐᒥᓪᓘᓐᓃᑦ.
  • ᐅᔭᕋᒃ  ᓴᓇᓯᒪᔪᖅ ᐃᔅᓯᖓᓂᑦ (ᓂᐱᑦᑖᖅᑐᖅ) ᓱᕐᕋᖕᓇᖅᑐᒥᑦ ᐱᕈᖅᓯᐊᒥᑦ, ᐸᓂᖅᑎᑕᐅᓚᐅᖅᖢᓂ ᓇᕿᑕᐅᓯᒪᓪᓗᑎᒃ ᑭᑉᐹᕆᒃᓯᑎᑕᐅᓪᓗᑎᒃ ᒥᑭᔪᓄᑦ.
  • ᐅᔭᕋᐅᑉ ᐃᔅᓯᖓ  ᓴᙱᔫᓪᓗᓂ ᓱᕐᕋᖕᓇᖅᐳᖅ ᓴᓇᔭᐅᓯᒪᔪᖅ ᐃᔅᓯᖃᕐᔪᐊᖅᖢᓂ THC-ᒥᑦ.

ᑭᓲᖕᒪᑎᒃ THC-ᓗ CBD-ᓗ?

  • THC  ᓇᐃᓈᖅᓯᒪᔪᖅ ᐆᒧᖓ delta-9-tetrahydricannabidol. THC ᐃᓚᐅᕈᑎᓪᓗᐊᑕᐅᔪᖅ "ᓱᕐᕋᒃᓯᒪᓂᖕᒧᑦ" ᐃᓱᒪᒧᓪᓘᓐᓃᑦ ᓱᕐᕋᖕᓇᖅᑐᑦ.
  • ᓴᙱᓂᖓ (ᐃᒡᙳᖃᖕᓂᖓ ᓴᙱᓂᖓᓘᓐᓃᑦ) THC−ᑉ ᓱᕐᕋᖕᓇᖅᑐᒥᑦ ᐱᑕᖃᒐᔪᒃᑐᖅ ᐳᓴᓐᑎᑎᒍᑦ THC-ᑉ ᐅᖁᒪᐃᓐᓂᖓᒍᑦ ᐃᓚᖓᓐᓂᑦ ᐱᕈᖅᑑᑉ.
  • ᓱᕐᕋᖕᓇᖅᑐᑦ THC−ᖃᓗᐊᙱᑦᑐᑦ ᓄᓇᕋᖏᓐᓂᑦ ᐃᕕᖏᓐᓂᓪᓗ (0.3 ᐳᓴᓐᑎᐅᑉ ᑐᖔᓂᑦ) ᑕᐃᔭᐅᕙᒃᐳᑦ ᕼᐊᒻᑉᒥᑦ.
  • CBD  ᓇᐃᓈᖅᓯᒪᔪᖅ ᐆᒧᖓ cannabidiol. THC-ᑑᔮᕋᓂᓕ, CBD ᐃᓱᒪᒧᑦ ᓱᕐᕋᖕᓇᙱᓚᖅ. CBD ᓯᒥᒃᓯᓯᒪᑐᐃᓐᓇᕆᐊᓕᒃ ᓱᕐᕋᓗᐊᖕᓇᙱᑎᑦᑎᔪᓐᓇᕐᖢᓂᓗ ᐃᓱᒪᒧᑦ ᐊᒃᑐᕐᑕᐅᔪᒧᑦ THC-ᒧᑦ. ᑕᐃᒪᐃᑐᐃᓐᓇᕆᐊᓕᒃ CBD-ᖓ ᓱᕐᕋᖕᓇᖅᑐᒥᑦ ᓇᓕᒧᒃᑯᓂᐅᒃ ᐊᖏᓂᕐᓴᐅᒃᐸᓪᓘᓐᓃᑦ THC-ᒥᑦ. ᖃᐅᔨᓴᖅᑏᑦ ᖃᐅᔨᓴᖅᑐᑦ CBC ᐃᓅᓕᓴᐅᑎᐅᔪᓐᓇᖕᒪᖔᑦ.