ᓂᖀᑦ ᕿᓚᒥᑯᓗᒃ ᐅᐸᓗᖓᐃᕋᒃᓴᑦ

ᓂᖀᑦ ᕿᓚᒥᑯᓗᒃ ᐅᐸᓗᖓᐃᕋᒃᓴᑦ

ᓂᖀᑦ ᕿᓚᒥᑯᓗᒃ ᐅᐸᓗᖓᐃᕋᒃᓴᑦ ᐊᒻᒪᓗ ᐆᓇᖅᓯᑐᐃᓐᓇᕆᐊᓕᐅᓪᓗᑎᑦ.  ᐊᑭᑐᓂᖅᓴᐃᑦ ᐊᒻᒪᓗ ᓂᕿᑦᑎᐊᕙᐅᙱᓐᓂᖅᓴᐅᓪᓗᑎᑦ ᑕᐃᒃᑯᐊ ᓂᕿᑦᑎᐊᕙᐅᓂᖅᓴᐅᓪᓗᑎᑦ ᓂᖅᑎᐅᖅᑕᐅᔭᕆᐊᓖᑦ.


ᓂᖀᑦ ᐆᓇᖅᓯᑐᐃᓐᓇᕆᐊᓖᑦ ᐅᑯᐊᖑᕗᑦ:

  • ᖁᐊᑦ ᐲᔾᔭ
  • ᐃᑭᐊᕐᒥᓖᑦ ᓴᓇᔭᐅᓯᒪᔭᕇᖅᑐᑦ
  • ᐃᒐᒃᑯᑦ ᓱᑲᑦᑐᒃᑯᑦ ᐆᓇᖅᓯᑐᐃᓐᓇᕆᐊᓖᑦ
  • ᖃᑦᑖᕐᔪᓛᕐᒦᑦᑐᑦ ᐃᓇᓗᐊᖑᔭᑦ
  • ᐅᓲᔭᑦ
  • ᐸᑏᑎᑦ
  • ᑯᑯᑦ

ᐆᓇᖅᓯᑐᐃᓐᓇᕆᐊᓖᑦ ᓂᕆᑐᐃᓐᓇᕋᒃᓴᓪᓗ ᓂᖀᑦ ᑕᕆᐅᖃᓗᐊᖅᑐᑦ, ᓱᑲᖃᓗᐊᖅᑐᑦ ᐊᒻᒪᓗ ᐅᖅᓱᖃᓗᐊᖅᑐᑦ.  ᑕᕆᐅᖃᓗᐊᖅᑐᓂᑦ, ᓱᑲᖃᓗᐊᖅᑐᓂᑦ ᐊᒻᒪᓗ ᐱᐅᙱᑦᑐᒥᒃ ᐅᖅᓱᖃᓗᐊᖅᑐᓂᑦ ᑎᒥᒧᑦ ᐊᑲᐅᙱᓕᐅᕈᑕᐅᓲᖑᕗᑦ, ᓲᕐᓗ ᐊᐅᒃᑯᑦ ᓱᑲᖃᓗᐊᖅᑐᑦ, ᐆᒻᒪᑎᕐᓗᑦᑐᑦ ᐊᒻᒪᓗ ᑳᓐᓱᑖᓲᑦ.

ᖃᓄᐃᑦᑕᐃᓕᖁᓪᓗᑎᑦ, ᐊᒻᒪᓗ ᑮᓇᐅᔭᓂᑦ ᐊᑐᓗᐊᖅᑕᐃᓕᖁᓪᓗᑎᑦ, ᓂᕿᑦᑎᐊᕙᓂᑦ ᓂᐅᕕᖃᑦᑕᕆᑦ.  ᐅᑯᐊᖑᕗᑦ ᓂᕆᔭᒃᓴᑦ ᓂᕆᓐᓇᐅᑎᓐᓇᒍ ᑕᒧᐊᔭᐅᔪᓐᓇᖅᑐᑦ:

  • ᔫᒍᑦ

  • ᐱᕈᖅᑐᒥᓃᑦ ᓰᕐᓇᖅᑐᑦ, ᐋᐳ, ᕙᓈᓇ ᐊᒻᒪᓗ ᒥᓪᓗᐊᒐᑦ

  • ᐱᕈᖅᑐᒥᓃᑦ ᓲᕐᓗ ᓯᐊᓗᕆ, ᑭᐅᕋᑦ, ᕗᕌᑯᓕ ᑳᓕᐸᓚᐅᕗᓘᓐᓃᑦ

  • ᓰᓰ ᐊᒻᒪᓗ ᓯᕙᓛᑦ

 

ᐊᓯᖏᓐᓂᖔᖅ ᓂᕆᖃᑦᑕᕐᓗᑎᑦ ᐆᓇᖅᓯᑐᐃᓐᓇᕆᐊᓕᐅᙱᑦᑐᓂᑦ ᓲᕐᓗ ᓂᖅᑎᐅᕐᓂᕐᒧᑦ ᒪᓕᒋᐊᓖᑦ ᐊᓪᓕᕐᒦᑦᑐᑦ ᑮᓇᐅᔭᓂᑦ ᐊᑐᙱᓂᖅᓴᐅᒐᔭᖅᑐᑎᑦ ᓂᕿᑦᑎᐊᕙᐅᓪᓗᑎᓪᓗ ᐱᐅᔪᑦ ᐃᓕᓐᓄᑦ ᖃᑕᙳᑎᓐᓄᓪᓗ.