ᓄᒃᑭᔅᓴᐅᑦ

ᓄᒃᑭᔅᓴᐅᑦ

​ᓄᒃᑭᒃᓴᐅᑦ D ᐱᒻᒪᕆᐅᕗᖅ ᓄᑕᖅᑲᓄᑦ ᓱᕈᑦᑎᓄᓪᓗ.

  • ᓄᑕᖅᑲᐃᑦ ᐊᒻᒪ ᓱᕈᓯᓛᑦ ᐱᓐᖏᓗᐊᖃᑦᑕᖅᑲᑕ ᓄᒃᑭᒃᓴᐅᒻᒥᒃ D ᐋᓐᓂᐊᑖᕈᓐᓇᖅᑐᑦ ᐊᑎᖃᖅᑐᒥᒃ ᓴᐅᓂᕐᓗᓇᖅᑐᒥᒃ.
  • ᓂᕆᖃᑦᑕᕐᓗᓂ ᓄᒃᑭᒃᓴᐅᑎᓕᒻᒥ D ᐊᒻᒪ ᐱᑎᑦᑎᖃᑦᑕᕐᓂᖅ ᓄᒃᑭᒃᓴᐅᒻᒥ ᑎᒥᒧᑦ ᓴᓐᖏᔫᓇᕐᒪᑦ, ᓴᐅᓂᑦᑎᐊᕆᓐᓇᖅᑐᓂ ᐊᒻᒪ ᓴᐅᓂᕐᓗᓕᕐᓇᕋᓂ.

ᓄᑕᕋᐃᑦ ᓱᕈᓯᓪᓗ ᓴᐅᓂᖃᑦᑎᐊᖁᓪᓗᒋᑦ ᑭᒍᑎᑦᑎᐊᕆᖁᓗᒋᓪᓗ:

  • ᐱᑎᖃᑦᑕᕐᓗᒋᑦ ᓄᒃᑭᒃᓴᐅᒻᒥᒃ D ᖃᐅᑕᒫᑦ.
  • ᓂᕆᑎᑉᐸᓪᓗᒋᑦ ᓄᒃᑭᒃᓴᐅᑎᖃᑦᑕᐅᑎᒋᔪᒻᒥ D.

ᑭᓱᑦ ᓂᖀᑦ ᓄᒃᑭᒃᓴᐅᑎᖃᖅᐸᑦ D−ᒥᒃ?

  • ᓄᒃᑭᒃᓴᐅᑎᖃᖅᑐᑦ D−ᒥᒃ ᓂᕿᑐᐃᓐᓇᐃᑦ:
    • ᐃᖃᓗᒃ
    • ᓱᕙᐃᑦ
    • ᑎᒻᒥᐊᓄᑦ ᒪᓐᓃᑦ
    • ᒪᑦᑖᖅ
  • ᓄᒃᑭᒃᓴᐅᑦ D ᐃᓚᖏᓐᓃᒻᒥᔪᖅ ᓂᐅᕕᕐᕕᔭᓂ ᓂᕿᓂ.
    • ᐃᒻᒧᒃ ᐊᒻᒪ ᑯᑯᒥᒃ ᐃᓚᖃᖅᑐᖅ ᐃᒻᒧᒃ
    • ᒪᓐᓃᑦ
    • ᖃᑦᑖᕐᔪᓛᒥᑦᑐᑦ ᐃᖃᓗᐃᑦ ᐊᔾᔨᒌᓐᖏᑦᑐᑦ ᐊᒻᒪ ᐃᖃᓗᕋᓛᑦ
    • ᐃᓚᖏᑦ ᔫᒍᑦ
    • ᒪᑕᐅᕙᓕᖅᑐᑦ ᐊᕿᓐᓂᖅᓴᐃᑦ

ᓴᐅᓂᕐᓗᓂᐊᓐᖏᒻᒪᑕ ᓄᑕᕋᐃᑦ, ᓇᔾᔨᔪᑦ ᐊᒫᒪᑦᑎᑦᑎᔪᓪᓗ ᓂᕆᔭᕆᐊᖃᕐᒥᔪᑦ ᓄᒃᑭᒃᓴᐅᑎᖃᖅᑐᒥᒃ D ᐊᒻᒪ ᐃᔮᐅᓲᓂᒃ ᓄᒃᑭᒃᓴᐅᑎᓂᒃ ᖃᐅᑕᒫᑦ.

  • ᓇᔾᔨᔪᖅ ᐊᕐᓇᖅ ᐱᓐᖏᓗᐊᖃᑦᑕᖅᐸᑦ ᓄᒃᑭᒃᓴᐅᒻᒥᒃ D, ᑕᐃᓐᓇ ᓇᔾᔨᐊᖓ ᓴᐅᓂᕐᓗᑐᐃᓐᓇᕆᐊᖃᖅᑐᖅ ᐃᓅᓯᒪᓕᕐᓗᓂ.
  • ᓴᐅᓂᕐᓗᓐᓂᖅ ᐊᒃᓱᐊᓗᒃ ᐋᓐᓂᐊᓇᖅᑐᖅ ᓄᑕᖅᑲᓄᑦ ᓱᕈᓯᓛᓄᓪᓗ. ᓴᐅᓂᖏᑦ ᐊᕿᓪᓕᓲᖑᒻᒪᑕ ᓂᐅᓐᖓᒍᓐᓇᖅᑐᑎᒃ.
  • ᖃᐅᑕᒫᑦ ᓄᒃᑭᒃᓴᐅᒻᒥᒃ ᐄᓯᖃᑦᑕᕆᐊᖃᖅᑐᑎᑦ ᓇᔾᔨᓗᑎᒃ ᐊᒫᒪᑦᑎᑦᑎᓗᑎᓪᓗ, ᐊᕐᕌᒍᒥ ᖃᖓᑐᐃᓐᓇᑦᑎᐊᒃᑯᑦ.
  • ᓄᒃᑭᒃᓴᐅᑏᑦ D ᐱᖃᑦᑕᖅᑐᒋᑦ ᓇᔾᔨᓪᓗᓂ ᐊᒻᒪ ᐊᒫᒪᑎᑦᑎᓪᓗᓂ ᓴᐅᓂᑦᑎᐊᕆᓐᓇᖅᑐᑦ ᑭᒍᑎᑦᑎᐊᕆᓐᓇᖅᑐᑎᓪᓗ.

ᓄᒃᑭᒃᓴᐅᑎᑦ D ᐄᒡᒐᓇᓐᖏᖑᑦᑐᑦ ᐊᒻᒪ ᖃᓂᒻᒪᒍᑕᐅᔪᓐᓇᖏᑦᑐᑦ.