ᐃᓅᓯᕐᒥᓂᒃ ᑭᐱᓯᔪᖅ

ᐃᓅᓯᕐᒥᓂᒃ ᑭᐱᓯᔪᖅ

ᑭᓱᑐᐃᓐᓇᐃᑦ ᑲᕙᕐᓇᑐᑦ ᖃᐃᒐᓗᐊᖅᐸᑕ, ᐅᕝᕙᓘᓐᓃᑦ ᐃᓄᐃᑦ ᓄᒫᓱᓗᐊᓕᖅᑎᓪᓗᒋᑦ, ᐃᓚᖏᑦ ᐃᓄᐃᑦ ᐃᓅᓯᕐᒥᓂᒃ ᑭᐱᓯᔪᒪᓕᓲᑦ ᐋᓐᓂᐊᕈᓐᓃᕐᓂᐊᕐᒪᑕ.

 

ᐊᒥᓲᕗᑦ ᐱᔾᔪᑏᑦ ᐃᓄᒃ ᐃᒻᒥᓃᕈᒪᔾᔪᑎᒋᓲᖏᑦ:

  • ᐋᓐᓂᑎᖅᑕᐅᖃᑦᑕᓲᑦ ᐃᑉᐱᓐᓂᐊᓂᖏᑎᒍᓪᓗ ᐋᓐᓂᑎᖅᑕᐅᖃᑦᑕᓲᑦ
  • ᖁᓄᔪᕐᓂᐊᖅᑕᐅᓯᒪᔪᑦ
  • ᐱᑦᑎᐊᖅᑕᐅᖃᑦᑕᙱᑦᑐᑦ ᐱᕋᔭᒃᑕᐅᕙᒃᑐᑦ
  • ;ᐅᖃᐅᔾᔭᐅᓪᓗᑎᑦ ᐋᓐᓂᐊᖅᑖᖅᑐᑎᑦ ᐋᖅᑭᒃᑕᐅᔪᓐᓇᙱᑦᑐᒥᒃ
  • ᖁᐊᖅᓵᕐᓇᖅᑐᒃᑰᖅᑐᒻᒪᕆᐅᔪᑦ
  • ᐃᓚᙵᖅᑐᑦ ᓇᓪᓕᒋᔭᒥᓂᑦ ᐱᖃᑎᒥᓂᑦ ᐃᓅᒍᓐᓃᖅᑎᓪᓗᒋᑦ
  • ᐊᐃᑉᐸᕇᑦ ᐱᖃᑎᒌᓪᓘᓐᓃᑦ ᐱᕋᔭᖃᑦᑕᖅᑐᑦ ᐊᕕᑦᑐᓪᓘᓐᓃᑦ

ᐃᓄᒃ ᐃᒻᒥᓃᕈᒪᓕᖅᑎᓪᓗᒍ, ᐅᖃᐅᓯᖃᒃᑲᔪᒃᑐᑦ ᓯᕗᓂᒃᓴᖃᙱᓐᓂᕐᒥᓂᒃ.  ᐅᖃᕈᓐᓇᕐᒥᔪᑦ ᐃᒻᒥᓂᒃ ᐃᑲᔪᕈᓐᓇᙱᓐᓇᒥᒃ ᐊᒻᒪᓗ ᐃᓅᓯᕐᒥᓂᒃ ᐱᐅᔪᓂᑦ ᓴᖅᑮᑎᑦᑎᒍᓐᓇᐃᓕᓂᕐᒥᓂᒃ.  ᐃᓛᓐᓂᒃᑯᑦ ᐃᓅᒍᒪᒍᓐᓃᖅᑐᑎᑦ ᐅᖃᓲᑦ. 

ᑭᓇᑐᐃᓐᓇᖅ ᑕᐃᒪᓐᓇ ᐅᖃᓪᓚᒃᑐᖅ, ᐃᒻᒥᓃᕋᓱᐊᑐᐃᓐᓇᕆᐊᓕᒃ.

ᐃᓄᐃᑦ ᑕᑯᒃᓴᐅᑎᑦᑎᓲᑦ ᐅᑯᓂᖓ ᐊᒥᓱᓂᑦ ᐃᓱᒪᒍᑎᑦ ᐃᒻᒥᓃᕐᓂᕐᒥᒃ

  • ᐅᖃᐅᓯᖃᖅᑐᓂ ᐅᖃᙳᐊᕋᓱᐊᖅᑐᓂ ᑐᖁᓂᕐᒥᒃ ᐅᕝᕙᓘᓐᓃᑦ ᐃᒻᒥᓃᕐᓂᕐᒥᒃ
  • ᐃᒥᐊᓗᖃᑦᑕᓂᖅᓴᐅᓕᖅᑐᑦ ᐋᙵᔮᕐᓇᖅᑐᖅᑐᖃᑦᑕᓂᖅᓴᐅᓕᖅᑐᑦ
  • ᐊᑦᑕᓇᖅᑐᓂᑦ ᐃᓕᖅᑯᓯᖃᓕᖅᑐᑎᑦ ᖃᓄᐃᓕᐅᖃᑦᑕᓕᖅᑐᑎᓪᓗ
  • ᐱᒻᒪᕆᒋᔭᖏᓐᓂᒃ ᑐᓂᐅᖅᑲᐃᔪᑦ
  • ᐱᓕᕆᔪᒪᔪᓐᓃᖅᑐᑦ ᐊᓕᐊᓇᐃᒋᔭᒻᒪᕆᒋᓚᐅᖅᑕᖏᓐᓂᑦ
  • ᐃᓅᖃᑎᖃᕈᒪᒍᓐᓃᖅᑐᑦ
  • ᐊᑲᐅᙱᓕᐅᕈᑎᒥᓂᒃ ᐃᖅᑲᓇᐃᔭᕐᕕᖏᓐᓂ ᐊᖏᕐᕋᖏᓐᓂᓪᓗ ᑲᒪᒍᓐᓇᐃᓕᔪᑦ
  • ᓯᕘᕋᓂᖅᓴᐅᓕᖅᑐᑦ, ᓄᒪᖃᑦᑕᑐᐃᓐᓇᖅᑐᑦ ᐊᒻᒪᓗ ᐸᕝᕕᒍᓱᓕᖅᓴᕋᐃᑦᑐᑦ 

 

ᓄᓇᕘᒥ, ᓄᓇᕗᑦ ᒐᕙᒪᖓᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᕗᑦ ᓄᓇᕘᒥᐅᓂᒃ ᐃᒪᐃᖁᓪᓗᒋᑦ, “ᓂᐸᐃᑐᐃᓐᓇᕈᓐᓃᓚᐅᕐᓕᑦ.” ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᓇᓯᒪᕗᖅ ᒪᕐᕉᖕᓂᒃ ᑕᕐᕆᔭᒐᒃᓵᖕᓂᒃ (ᒪᓕᒡᓗᒋᑦ YouTube-ᒧᑦ ᐊᑕᓕᕐᓇᖅᑐᑦ) ᑎᓕᐅᕆᔪᑦ ᐃᓄᖕᓂᒃ ᐅᖃᐅᓯᖃᖃᑦᑕᖁᓪᓗᒋᑦ ᐃᒻᒥᓃᑐᖃᖅᐸᖕᓂᖓᓄᑦ. ᐱᖃᑖᓂ ᑕᕐᕆᔭᒐᒃᓴᒥ ᐅᖃᐅᓯᖃᕈᓘᔭᕐᕕᖃᖅᐳᒍᑦ ᐊᒥᓱᓂᒃ ᑕᐃᒪᐃᓪᓚᕆᒃᐸᙱᑦᑐᓂᒃ ᐱᐅᙱᓐᓂᕋᖅᑕᐅᕙᒃᑐᓂᒡᓗ ᐊᒃᑐᐊᓂᖃᕋᔪᒃᑐᓂᒃ ᐃᒻᒥᓃᖅᑐᖃᖅᐸᖕᓂᖓᓄᑦ.

ᐊᐃᑉᐸᖓ ᑕᕐᕆᔭᒐᒃᓴᖅ ᑕᑯᑎᑦᑎᕗᖅ ᐱᒻᒪᕆᐊᓘᓂᖓᓂᒃ ᐅᖃᓪᓚᒃᐸᖕᓂᖅ ᓂᐸᐃᑐᐃᓐᓇᕈᓐᓃᕐᓂᕐᓗ. ᐊᐃᑉᐸᖓ ᑕᕐᕆᔭᒐᒃᓴᖅ ᐃᓅᑦ ᐊᑕᐅᓯᐅᑉ ᐅᓂᒃᑳᕐᕕᒋᕙᐅᒃ ᖃᓄᕐᓗ ᐊᒃᑐᖅᑕᐅᓯᒪᖕᒪᖔᕐᒥᓂᒃ ᐃᒻᒥᓃᖅᑐᖃᖅᓯᒪᓂᖓᓄᑦ. ᐊᓯᔾᔨᖅᓯᒪᑎᑦᑎᔪᓐᓇᖅᐳᒍᑦ ᐅᖃᐅᓯᖃᖃᑦᑕᕈᑦᑕ ᐊᓯᑦᑎᓐᓂᒡᓗ ᓈᓚᖃᑦᑕᕈᑦᑕ.

 

 

 

(To access a video link - click on a photo)

 

 

 

 

 

(To access a video link - click on a photo)