Puvallaq-haut Vitamin D

Puvallaq-haut Vitamin D

 

Puvallaqhaut Vitamin D ihumagiyaulluaq inuhaanut nutaqqanullu.

·       Immaqaak inuhaannuit nutaqqallu mikiyut pivaalliyuitkumik puvallaqhaunmik vitamin D taannialaqilaaqtut haffuminnga haunirlungnirmik

·       Nirivakkumik niqinik puvallaqhautilingmit vitamin D uvvalu tuniyauvakkumik puvallaqhautilingmik vitamin D kuviyaaqtunik ikayuutigiyungnaqtaat hakugikhinirmut, haunirittiarnik uvvalu haunirluktailidjutauyut

Ikayuutigiyungnaqtait inuhaanut nutaqqanullu hakugikhidjutikhaatigut haunirnit kigutiqattiarnikkullu!

·       Tunivaglugit puvallaqhaunmik vitamin D iiyanik ubluq tamaat

·       Niripkaqpaglugit niqinik puvallaqhautiqaqtunik vitamin D

Kitulli niqit puvallaqhautiqaqtut vitamin D-mik?

·       Puvallaqhautilgit vitamin D-mik niqainnarni:

o   Iqaluit

o   Iqaluit huvainni

o   Tingmidjat manniit

o   Maktaaq

·       Puvallaqhautilgit Vitamin D-mik hapkunani ilanginni situamiuttat niqit

o   Ituit saglaliillu ituit

o   Manniit

o   Havigalingni iqaluit, tuna, ukuallu iqalukkat

o   Ilangit yogurt

o   Payat

Haunirluktailinikhakkut, hingaiyut iviangiqtuqtittiyullu nirivaktukhauyut puvallaqhautiqaqtunik vitamin D uvvalu puvallaqhautituqtukhaq vitamin D-mik iiyaqturluni ubluq tamaat .

·       Immaqaak una hingaiyuq arnaq pivaallinngitkumi puvallaqhaunmik vitamin D-mik, una nutarakhaq hingaiyaa haunirlungniarungnaqhiyuq qakugunnguqqat.

·       Haunirlungniq ulurianaqhuni aanniaryaurutauyuq inuhaanut ukiuqqukittunullu nutaqqanut. Haunirnut aqigliutivaktut uvvalu piritpaktuttauq.

·       Piyukhauyutit puvallaqhaunmi vitamin D-mik iiyanik ubluq tamaat hingaiblutit uvvalu iviangiqtuqtittiguvit , hunaugaluaqtillugu hilami

·       Puvallaqhautituqpakkuvit vitamin D-mik iiyanik hingaiblutit iviangiqtuqtittiblutillu ikayuutiginiaqtaa nutaqqavit haunigikhiluni kigutiqattiarlunilu

·       Puvallaqhaut Vitamin D iiyat iiyuminaqtut uvvalu aanniaqhunnguutigilimaitat