Inngunmaar-niq

Inngunmaar-niq

Inuit quviahunngittut ikpigiyauvaktut nikalluqhimayut, ihumaalungnirnillu qautamaat. Ikpigihungniqaqhutik ayurnaqpiaqtumik inminiirumainnaqhutiktauq. Huliyumahuiqpakhutik quviagiyamingnit hulidjuhiit. Quviahunngittut naamanngittunilu, ilaani nikalluinnaqhutik qanuq ihumaliqpakhutik ubluq tamaat.

Hamma naunaitkutaulaaqhutik hunanik amirihimalugit. Hapkuat amihuuyut ikpigihimayatit ubluq tamaat malruk ublukhautitigut uqarvigigiaqaqtatit munaqhinut. Ikayuqtaugiamini. 

  • Niriqattaruiruvit tualinniruvut puvallarniruvit hulihimaittumik
  • Unaguhuinnaruvit hulittiaruiruvilluunniit
  • Ihumainnaruvit hulittiarnaittumik, qauyimaguiruvit hunanik ihumaliutainniruvit
  • Ikpigigungni qanuq nakuunngittutit
  • Ihumaaluinnaruvit hungmangaat taimaa ihumainnaqtutit
  • Hinikalaiqpaktutit uinngainnaqhutit
  • Quviahukpianngitkuvit
  • Tuquyumainnaqtutit inminiirumainnaqtutit 

Ihumaaluinnarniq aktuumalaaqhuni qanurunaaqhimanniruvit inuuhivit aallannguqpalliannirumik havaguiqhimaguvit, avikhimayatit aippait havaguirnikkut. Nutaraniktumik taimaalu ihumaalutauvakhuni. Taimailiurnirumi tukiqaqhuni irniraqtaarminiq ihumaalungniq.

Taimaa qaumavallaaraangat ubluq tamaat taimaalu ihumaalungnaqhivakhuni. Taaqhiinnaqhunilu ukiumi taimaattauq ihumaalungnaqhivakhuni tukiqaqhuni Ukiungani Aktuumayauyut Ayuqhautiniq “SAD” nailihimalugu.

Amihut inuit, ilaanilu ilanganilu, kannguhukpakhutik kanngunarnikkut ihumaliqpakhutik ihumaalutiqarniramik. Tahapkuat ikpigiyauyut ayurnautihimailluni ikayuqtaulaaqqutit. Qauyimagiaqaqtatit ihumaalungniq aanniarutaublunilu. Ihumaalungniq aktulaaqtut nukaqhiuyut inirniillu, angutit arnaillu, tamainnut inungnut aallatqiit.

Ihumagigungni ihumaalukkuvit, uqarvigilugu taaktivit. Mamiharniq

Ikayuutaulaaqhuni ilingnut quviahuutigiangani inuuhiqpit. Mamihainniruvut quviahuutigiyaami.

Ihumaalungniq aanniarutaublunilu. Nukiiqtumik inmikkut aktuumayaunngittut. Ihumaalutiqarniruvit, qanuridjutiit iluani qaritavit taidjutiqaqhutik uuminngat