ᐋᓐᓂᐊᖅᑕᐃᓕᓂᕐᒧᑦ ᐃᓅᓯᑦᑎᐊᕆᓐᓇᖅᑐᓂᑦ ᓂᕈᐊᕐᓂᖅ

ᐋᓐᓂᐊᖅᑕᐃᓕᓂᕐᒧᑦ ᐃᓅᓯᑦᑎᐊᕆᓐᓇᖅᑐᓂᑦ ᓂᕈᐊᕐᓂᖅ

ᑭᖑᕙᓗᐊᙱᓚᑎᑦ ᐃᓕᓐᓄᑦ ᐱᐅᔪᓂᑦ ᓂᕈᐊᖃᑦᑕᕆᐊᓯᓗᑎᑦ.  ᐊᓯᔾᔩᕙᓪᓕᐊᓗᑎᑦ ᒫᓐᓇ ᓄᓇᕗᒥᐅᑦ ᓴᙱᓂᖃᖅᑐᑦ ᐋᓐᓂᐊᖅᑖᖅᑕᐃᓕᓗᑎᑦ.

ᐱᒋᐊᖅᐸᓪᓕᐊᒍᓐᓇᖅᐳᑎᑦ ᐊᓯᔾᔩᒐᓛᑐᐃᓐᓇᕆᐊᕐᓗᑎᑦ.  ᐋᖅᑮᓗᑎᑦ ᐊᑐᕋᒃᓴᓂᑦ ᐊᑐᖃᑦᑕᕈᒪᔭᕐᓂᑦ, ᐃᓕᑉᐹᓪᓕᕈᓐᓇᖅᑐᑎᑦ ᐱᐅᔪᓂᒃ ᐊᑐᖅᐸᓪᓕᐊᓗᑎᑦ ᐃᓕᓐᓄᑦ, ᐱᐅᔪᓂᑦ ᐊᑐᖅᐸᓪᓕᐊᓕᕐᓗᑎᑦ ᖃᑕᙳᑎᖕᓄᑦ ᓄᓇᓕᖕᓄᓪᓗ.

ᐋᓐᓂᐊᖅᑕᐃᓕᔪᓕᕆᔩᑦ ᖃᐅᔨᒪᕗᑦ ᐱᔪᓐᓇᕐᓃᑦ ᐊᓯᔾᔩᓗᑎᑦ ᐋᓐᓂᐊᖅᑕᐃᓕᓂᕐᒧᑦ ᐃᓅᓯᕆᒐᓱᒃᑕᖕᓂᑦ ᐊᑦᑐᐃᓂᖃᕈᓐᓇᕐᒪᑦ ᓇᒥ ᐊᖏᕐᕋᖃᕐᒪᖔᖅᐱᑦ ᐃᖅᑲᓇᐃᔭᕐᒪᖔᖅᐱᓪᓗ, ᐃᓅᖃᑎᑎᑦ, ᑮᓇᐅᔾᔭᒃᓵᑎᑦ, ᐃᓕᓐᓂᐊᖅᓯᒪᓃᑦ, ᐃᓕᖅᑯᓰᑦ ᐊᓯᖏᓪᓗ ᐱᔾᔪᑎᐅᔪᑦ.

ᑭᓯᐊᓂᓕ ᐃᓚᖏᑦ ᐊᑦᑕᕐᓇᕈᑏᑦ ᑲᒪᒋᔪᓐᓇᙱᑦᑕᑎᑦ.  ᐊᐅᓚᒍᓐᓇᙱᑕᑦ ᖃᑕᙳᑎᕕᑦ ᐋᓐᓂᐊᖃᑦᑕᕐᓂᑯᖏᑦ, ᖃᓄᐃᑦᑑᒻᒪᖔᖅᐱᑦ, ᐅᑭᐅᑦ, ᐊᒻᒪᓗ ᐊᕐᓇᐅᒍᕕᑦ ᐊᖑᑕᐅᒍᕕᓪᓘᓐᓃᑦ.  ᑭᓯᐊᓂᓕ ᓂᕈᐊᖅᓯᓗᑎᑦ ᐃᓅᓯᖃᑦᑎᐊᕐᓂᕐᒥᒃ ᐆᒻᒪᑎᕐᓗᓕᙱᓂᖅᓴᐅᒐᔭᖅᑐᑎᑦ ᐊᒻᒪᓗ ᖃᕋᓴᒃᑯᑦ ᖄᖅᑐᖃᙱᓐᓂᐅᓴᓂᖅᓴᐅᒐᔭᖅᑐᖅ, ᑳᓐᓱᑖᙱᓐᓂᖅᓴᐅᒍᓐᓇᖅᓯᓗᑎᑦ, ᐊᐅᒃᑯᑦ ᓱᑲᖃᓗᐊᕋᔭᙱᑦᑐᑦ ᐊᒻᒪᓗ ᐊᓂᕐᓂᑭᙱᓐᓂᖅᓴᐅᔪᓐᓇᖅᑐᑎᑦ ᐳᕙᕐᓗᙱᓐᓂᖅᓴᐅᖃᑦᑕᕐᓗᑎᓪᓗ.

ᐱᔭᕆᐊᑐᒻᒪᑦ ᐊᖏᔪᐊᓗᓐᓂᑦ ᐊᓯᔾᔩᓇᓱᒃᑯᕕᑦ.  ᐱᕕᖃᕆᐊᖃᕋᕕᑦ ᐊᓯᖏᓐᓂᒃ ᖃᓄᐃᓕᐅᖃᑦᑕᕈᕕᑦ.  ᑐᑭᓯᒍᕕᒋᑦ ᐊᓯᔾᔨᔭᕆᐊᓕᑎᑦ, ᒥᑭᔪᓂᑦ ᐱᒋᐊᕐᓗᑎᑦ ᐊᒻᒪᓗ ᐊᑐᕈᓐᓇᑕᓐᓂᒃ ᑎᑭᓐᓇᓱᐊᕈᑎᒃᓴᓂᑦ ᐋᖅᑮᓗᑎᑦ, ᐃᓕᑉᐹᓪᓕᕈᓐᓇᖅᐳᑎᑦ ᐱᐅᔪᓂᒃ ᓂᕈᐊᖅᓯᓗᑎᑦ ᐃᓅᓯᖃᑦᑎᐊᕐᓇᖅᑐᒥᒃ ᐊᒻᒪᓗ ᐋᓐᓂᐊᖅᑕᐃᓕᒍᑎᒃᓴᓕᐅᕐᓗᑎᑦ.

 

ᐅᑯᐊ ᑎᓴᒪᐅᔪᖅᑐᑦ ᐱᒻᒪᕆᐅᔪᑦ ᓂᕈᐊᕈᓐᓇᖅᑕᑎᑦ ᐃᓅᓯᖃᑦᑎᐊᓕᕐᓇᖅᑐᑦ:

  • ᓯᒡᒐᓕᐊᖅᑐᖃᑦᑕᖏᓪᓗᑎᑦ ᐊᒻᒪᓗ ᓯᒡᒐᓕᐊᖅᑐᖅᑐᓃᖃᑦᑕᙱᓪᓗᑎᑦ.
  • ᖃᐅᑕᒫᑦ ᐃᖃᐃᓕᓴᖃᑦᑕᕐᓗᑎᑦ.
  • ᓂᕿᑦᑎᐊᕙᓂᒃ ᓂᕆᖃᑦᑕᕐᓗᑎᑦ.
  • ᐅᖁᒪᐃᓐᓃᑦ ᓈᒻᒪᒃᓯᑎᓪᓗᒍ.
  • ᐊᐅᑉ ᓯᖑᔭᓐᓂᖓ ᐱᐅᓯᑎᓪᓗᒍ.
  • ᐃᒥᓗᐊᖃᑦᑕᙱᓪᓗᑎᑦ.
  • ᐊᒃᓱᕈᕐᓇᖅᑐᒃᑰᙱᓐᓂᖅᓴᐅᓇᓱᖃᑦᑕᕐᓗᑎᑦ.
  • ᖃᐅᔨᓴᖅᑕᐅᖃᑦᑕᕐᓗᑎᑦ.