ᑕᕝᕚᑲ

ᑕᕝᕚᑲ

ᑕᕝᕚᑲ ᐊᑐᖅᑕᐅᖃᑦᑕᕐᓂᖓᓄᑦ ᐋᓐᓂᖅᓯᔪᒻᒪᕆᐅᕗᖅ ᓄᓇᕗᒥᐅᑦ ᖃᑕᙳᑎᖏᓐᓂᑦ ᓄᓇᖅᑲᑎᒌᑦᑐᓂᓪᓗ.  ᓄᓇᕗᒥᐅᑦ ᐊᕝᕙᖏᑦ ᐅᖓᑖᓄᓪᓗ ᓯᒡᒐᓕᐊᖅᑐᓲᑦ ᐊᒻᒪᓗ ᓄᓇᕗᒥ ᐳᕙᖏᑦ ᑳᓐᓱᓖᑦ ᐊᒥᓲᓛᖑᕗᑦ ᑲᓇᑕᓕᒫᕐᒥ.

ᑕᕝᕚᑲᑐᖃᑦᑕᑐᓪᓗ ᐆᒻᒪᑎᕐᓗᓕᕈᓐᓇᕐᒪᑕ ᖃᕋᓴᖏᒍᑦ ᖄᖅᑐᖃᕐᓗᓂᓗ, ᐊᒻᒪᓗ ᐳᕙᓪᓗᓕᕈᑕᐅᕙᒃᑐᓂ.  ᖃᑕᙳᑎᒌᑦ ᓄᓇᕗᒥ ᖃᑦᑏᓐᓇᑦ ᐊᑦᑐᖅᑕᐅᓯᒪᙱᑦᑐᑦ ᑕᕝᕚᑲᒧᑦ ᐱᖃᑦᑕᑎᓐᓂᑯᖏᓐᓄᑦ.

ᑐᓴᕈᒥᓇᖅᑐᕐᓕ ᓄᓇᕗᒥᐅᑦ ᒪᒥᓴᕈᓐᓇᕐᒪᑕ ᓯᒡᒐᓕᐊᖅᑐᖃᑦᑕᕈᓐᓃᕈᑎᑦ.  ᐃᓄᐃᑦ ᓄᖅᑲᖅᑐᑦ ᓯᒡᒐᓗᐊᕐᒧᑦ ᐋᓐᓂᐊᖏᓐᓂᖅᓴᐅᓕᕈᓐᓇᕐᒪᑕ ᑐᖁᓂᐅᓴᙱᓐᓂᖅᓴᐅᓗᑎᓪᓗ ᓯᒡᒐᓕᐊᕐᒥᒃ.  ᒪᒃᑯᑦᑐᑦ ᓯᒡᒐᓕᐊᖅᑐᖃᑦᑕᖏᑦᑐᑦ ᓯᒡᒐᓕᐊᖅᑐᓲᕈᕐᓂᖅᓴᐅᙱᓐᓂᖅᓴᐅᕗᑦ ᐃᓐᓇᐅᓕᖅᑎᓪᓗᒋᑦ.  ᓱᕈᓰᑦ ᐱᐊᕋᓪᓗ ᐊᕙᑎᖏᑦ ᓯᒡᒐᓕᐊᖅᑐᕐᕕᐅᕙᙱᑦᑐᑦ ᓯᐅᓯᕆᙱᓐᓂᖅᓴᐅᓲᑦ ᐊᓂᖅᓵᑦᑎᐊᕐᓂᖅᓴᐅᓲᑦ.  ᓯᒡᒐᓕᐊᖅᑐᖃᑦᑕᖏᓐᓂᕐᒧᑦ ᐃᑲᔪᕐᓂᖃᖅᑐᖅ ᑕᒪᐃᓐᓄᑦ ᓄᓇᕗᒥᐅᓄᑦ − ᐃᓄᓐᓄᑦ ᐊᑐᓂᑦ, ᖃᑕᙳᑎᒌᓄᑦ ᐊᒻᒪᓗ ᓄᓇᓕᓐᓄᑦ.

ᑕᕝᕚᑲᑐᖃᑦᑕᙱᓪᓗᓂ ᐃᓅᓯᖃᕐᓂᖅ − ᓄᖅᑲᕐᓂᖅ ᓯᒡᒐᓕᐊᒧᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔨᖃᑦᑕᖅᑐᑦ ᓯᒡᒐᓕᐊᖅᑐᖃᑦᑕᙱᓪᓗᑎᑦ ᓄᓇᓕᐅᔪᑦ ᐊᒻᒪᓗ ᐃᑲᔪᖅᑐᐃᓲᖑᔪᑦ ᐃᓄᓐᓂᒃ ᐃᓱᒪᓕᐅᖅᐸᒃᑐᓂᑦ ᓄᖅᑲᕐᓗᑎᑦ ᓯᒡᒐᓕᐊᕐᒧᑦ.  ᐱᓕᕆᕝᕕᐅᔪᖅ ᐱᓕᕆᔪᒻᒪᕆᐅᕗᖅ ᑕᕝᕚᑲᑐᖃᑦᑕᖅᑕᐃᓕᒪᑎᑦᑎᓪᓗᑎᑦ, ᓄᖅᑲᑎᑦᑎᓇᓱᐊᖅᑐᑎᑦ, ᐊᒻᒪᓗ ᓯᒡᒐᓕᐊᖅᑐᓗᐊᖅᑕᐃᓕᒪᑎᑦᑎᓪᓗᑎᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑕᕝᕚᑲᑉ ᒥᒃᓵᓄᑦ ᐊᒻᒪᓗ ᓄᖅᑲᖁᓪᓗᑎᑦ ᐃᒪᐃᓕᐅᕈᓐᓇᖅᐳᑎᑦ:

  • ᐅᖄᓚᓗᑎᑦ ᓄᓇᕗᒥ ᓄᖅᑲᖅᑐᓄᑦ ᐃᑲᔪᖅᑏᑦ ᐅᕗᖓ 1-866-368-7848.
  • ᐋᓐᓂᐊᕐᕕᓕᐊᕐᓗᑎᑦ, ᐅᖃᖃᑎᒋᓗᒍ ᐋᓐᓂᐊᖅᑕᐃᓕᒪᔪᓕᕆᔨ, ᐊᒻᒪᓗ ᐊᐱᕆᓗᒍ ᓘᒃᑖᑦ ᖃᓄᖅ ᓯᒡᒐᓕᐊᒧᑦ ᓄᖅᑲᕈᓐᓇᕐᒪᖔᖅᐱᑦ
  • ᑕᑯᓂᐊᕐᓗᒍ “ᑕᕝᕚᑲᑕᖃᕆᐊᖃᙱᑦᑐᖅ ᐅᕙᓂ” ᕙᐃᔅᕗᒃᑯᑎᒍᑦ.
  • “ᑕᕝᕚᑲᑕᖃᕆᐊᖃᙱᑦᑐᖅ ᐅᕙᓂ” ᑐᑭᓯᒋᐊᕈᑎᖏᑦ ᐊᑐᕋᒃᓴᖁᑎᖏᓪᓗ ᐃᑲᔫᑏᑦ

ᓯᒡᒐᓗᐊᖅᑐᖃᑦᑕᓂᕐᒧᑦ ᑐᑭᓯᒋᐊᕈᑎᖏᑦ

  • ᓯᒡᒐᓕᐊᖅᑐᖃᑦᑕᖅᑐᑦ ᐳᕙᓪᓗᓕᓲᑦ ᑳᓐᓱᒥᒃ.  ᓄᖅᑲᕐᓗᓂ ᓯᒡᒐᓕᐊᕐᓂᑦ ᐅᕝᕙᓘᓐᓃᑦ ᓯᒡᒐᓕᐊᒧᑦ ᐱᒋᐊᖅᑕᐃᓕᓗᓂ ᐱᐅᓛᖑᕗᖅ ᐳᕙᒃᑯᑦ ᑳᓐᓱᑖᙱᓪᓗᑎᑦ.
  • ᐊᑕᐅᓯᖅ ᑕᒪᐃᓐᓂᑦ ᑕᓪᓕᒪᑦ ᑐᖁᔪᑦ ᓄᓇᕗᒥ ᓯᒡᒐᓕᐊᖅᑐᖃᑦᑕᖅᑐᒥᓂᐅᓂᖏᓐᓄᑦ ᑐᖁᓲᖑᕗᑦ.
  • ᑕᕝᕚᑲᑐᓲᑦ ᐳᕙᓪᓗᓕᕐᓇᕈᑕᐅᓲᖑᕗᖅ.
  • 24− ᐃᑲᕐᕋᑦ ᐃᓗᐊᓂ ᓯᒡᒐᓕᐊᖅᑐᙱᑦᑎᓪᓗᑎᑦ, ᐃᓄᒃ ᓄᖅᑲᖅᑐᖅ ᐆᒻᒪᓯᕆᓂᐊᕐᓂᖓ ᒥᑭᓪᓕᓂᖅᓴᐅᓲᖑᒻᒪᕆᑉᐳᖅ.

ᓄᓇᕗᒥᐅᑦ ᐊᒥᓲᓛᕐᓂᑦ ᐅᑭᐅᓂᑦ ᐃᓚᒐᔭᖅᑐᑦ ᐃᓅᓯᖏᓐᓂᒃ ᐳᕙᒃᑯᑦ ᑳᓐᓱᑖᓗᐊᖃᑦᑕᕐᓂᙱᒃᑯᑎᑦ.