ᐊᐃᑦᑑᑕᐅᒍᓐᓇᖅᑐᑦ ᐋᓐᓂᐊᑦ

ᐊᐃᑦᑑᑕᐅᒍᓐᓇᖅᑐᑦ ᐋᓐᓂᐊᑦ

ᐃᓚᖏᑦ ᐋᓐᓂᐊᑦ ᐱᒋᐊᖅᑎᑕᐅᖃᑦᑕᖅᑐᑦ ᖁᐱᕐᕈᐊᕐᔪᓐᓄᑦ ᖁᐱᕐᕈᖅᓄᓪᓗ ᐊᐃᑦᑐᐃᓇᖅᑐᓄᑦ ᓯᐊᒻᒪᑉᐸᓪᓕᐊᒍᓐᓇᖅᑐᖅ ᐃᓄᒻᒥᑦ ᐃᓄᒻᒧᑦ, ᓂᕐᔪᑎᓂᓪᓘᓐᓃᑦ ᖁᐱᕐᕈᓂᑦ ᐃᓄᓐᓄᑦ. ᐊᑯᕐᖓᓐᓂᑦ ᐃᓄᐃᑦ, ᑖᒃᑯᐊ ᖁᐱᕐᕈᐊᕐᔪᐃᑦ ᖁᐱᕐᕈᓄᓪᓗ ᐊᐃᑦᑐᐃᓇᖅᑐᓄᑦ ᐊᐃᑦᑑᑕᐅᔪᓐᓇᖅᑐᖅ ᑎᒎᑎᓂᒃᑯᑦ ᖁᐃᖅᑐᓂᒃᑯᓪᓘᓐᓃᑦ, ᐊᒡᒐᓐᓃᓪᓘᓐᓃᑦ ᐅᐊᓴᖃᑦᑕᖏᓐᓂᕐᓄᑦ. ᐋᓐᓂᐊᑦ ᐊᐃᑦᑑᑕᐅᖃᑦᑕᖅᑐᑦ ᑕᐃᔭᐅᔪᑦ “ᐊᐃᑦᑑᑕᐅᒍᓐᓇᖅᑐᑦ ᐋᓐᓂᐊᑦ.”

 

ᐅᓄᖅᓯᕙᓪᓕᐊᑎᓪᓗᒋᑦ ᐃᓄᐃᑦ ᐊᐅᓪᓚᖃᑦᑕᕐᓂᖏᓐᓂᑦ ᓄᓇᓕᓐᓄᑦ, ᑲᓇᑕᓕᒫᒥᑦ ᓄᓇᕐᔪᐊᓕᒫᒥᓪᓘᓐᓃᑦ, ᓯᐊᒪᓐᓂᖓ ᐊᐃᑦᑑᑕᐅᒍᓐᓇᖅᑐᑦ ᐋᓐᓂᐊᑦ ᑕᐃᒪᐃᒐᔪᓕᖅᑐᖅ. ᐃᓚᖏᑦ ᐋᓐᓂᐊᑦ ᐸᕝᕕᓇᑲᐃᓐᓇᕈᓐᓇᖅᑐᖅ, ᐅᑭᐅᒃᑯᑦ ᐃᑮᓐᓇᕐᓂᕐᒧᔾᔫᔮᕐᓗᓂ. ᑭᓯᐊᓂ ᐃᓘᓐᓇᑎᒃ ᐱᒻᒪᕆᐅᔪᓐᓇᖅᑐᑦ, ᐱᓗᐊᖅᑐᒥᑦ ᐊᖓᔪᑦᓯᐅᓂᖅᓴᓄᑦ, ᒪᒃᑯᑦᑐᓄᑦ ᓴᙲᓐᓂᖅᓴᓐᓄᓪᓘᓐᓃᑦ ᓄᓇᓕᓐᓂᒥᐅᑕᓄᑦ. ᐊᐃᑑᑕᐅᒐᔪᑦᑐᑦ ᐋᓐᓂᐊᑦ ᑲᓇᑕᒥ ᐅᑯᐊᖑᕗᑦ ᓄᕙᒡᔪᐊᕐᓇᖅ, ᐊᐅᐸᓪᓛᑦ, ᕿᓕᖅᓯᓐᓇᐃᑦ, ᖁᐃᖅᑐᖅᔪᐊᕐᓇᖅᑐᖅ ᐳᕙᓪᓗᓐᓇᕐᓗ.

 

ᐱᔭᕆᐊᑭᑦᑐᓂᑦ, ᖃᐅᔨᒪᔭᐅᑦᓴᐅᑎᒋᔪᓂᑦ ᐊᑐᖅᑕᐅᖃᑦᑕᖅᑐᓂᑦᐃᕝᕕᑦ ᓇᒻᒥᓂᖅ ᖃᑕᙳᑎᑎᓪᓗ ᐊᑦᑕᓇᓗᐊᖏᑦᑐᒦᒍᓐᓇᕐᓂᓯ ᐋᓐᓂᐊᓄᑦ. ᖃᐅᔨᒪᔭᐅᑦᓴᐅᑎᒋᔪᓂᑦ ᖃᓄᐃᓕᐅᕐᐸᓐᓂᕆᔭᐅᔪᑦ ᐃᕝᕕᑦ ᓇᒻᒥᓂᖅ ᐊᐃᑦᑐᓪᓗᖅᑕᐅᓯᒪᒍᕕᑦ, ᒥᑭᓪᓕᕚᓪᓕᑎᑦᓯᒍᓐᓇᖅᑐᑎᑦ ᐊᐃᑦᑐᕐᓗᐃᓂᕐᒥᑦ ᐊᓯᓐᓂᑦ. ᐃᓄᐃᑦ ᐊᐃᑦᑑᑕᐅᒍᓐᓇᖅᑐᓖᑦ ᐋᓐᓂᐊᓖᑦ ᑲᒪᒋᔭᖃᕆᐊᖃᖅᑯᑦ ᐊᓯᒥᓄᑦ, ᐃᓚᒋᔭᐅᓗᓂ ᓇᓗᓇᐃᖅᓯᓂᕐᒥᑦ ᐋᓐᓂᐊᕐᕕᓕᐊᑦᓴᐅᑎᒋᓗᑎᑦ, ᒪᓕᑦᓯᐊᕐᓂᕐᒥᓪᓗ ᐋᓐᓂᐊᕐᕕᒻᒥᑦ ᐅᖃᐅᔾᔨᒋᐊᕈᑎᓂᑦ, ᐋᓐᓂᐊᓕᖅᑎᑦᓯᑦᑕᐃᓕᒪᓗᑎᓗ ᐊᓯᒥᓂᑦ.