Tipaakuq

Tipaakuq

Tipaakuq aturnia akhut aanniqhilaaq amihunik Nunavunmi ilagiinut nunaliuyunullu.  Avataani nappait Nunavunmiut higaaqtut taamnalu Nunavut puvangnut kansur aktilaanga puqtuniqpauyuq Kanatami. Tipaakuq aturnialu pityutauyuq uummanmut aanniarutmik upaluinirmullu , pityutaublunilu hiamaktinnia puvaglungniq (TB). Piqaqtuq ikittunik ilagiinik Nunavunmi aanniqtauhimaittunik tipaakuq aturnianik .

Taamna tuharuminaqtuq tahapkuat Nunavunmiut nakuuhivallayut higaarnirmit. Inuit higaaruiqtut mikhivaliqtaat aannialaqilaarniq tuqunirluunniit higaarnirmit qilamivyak. Inuuhuktut higaayuittut higaalilaannginniqhauyut ukiuqquqtuhivallianirmingni. Nutaqqat inuhaallu higaaqtunik takuqattanngittut higaaqtunit hiutimingnut aanniarutitannginniqhaulaat aniqhaangnirmulluunniit ayuqharutauyunik. Higaaqtailiniq ihuaqutauyuq tamainnut Nunavunmiut – inmingnut, ilagiinut nunaliuyunullu.

Higaaruirniq

Taamna Timinga Munaqhiliqiyikkut aturahuaqtitai higaarnaittumik nunaliuyut ikayuqtuqhugillu inuit ihumaliuqtut higaaruiriakhaq. Taamna Timinga hulivaktut tipaakuqtuqtailinirmut, nutqarnianut, atuqpallaaruirahuarnianullu.

Tuhaqpaallirumakpat tipaakumik ikayuqtikhaqhiurnirmiglu aturuirnianut:

Higaarnirmut piqpiat

  • Higaarniq ilagiyaat aturniqhaq pipkaiyuq puvakkut kansurmik. Higaaruirniq nayuqtailinit higaaqarnit nakuuniqpaaq piitaqtailinia puvakkut kansuqtarnit
  • Tipaakuq aturniattauq pityutauvangmiyuq hiamaktinnia puvaglungniq (TB)
  • Aniguqtinnagu 24 ikaarniit higaaruiraangat, inuup pilarnia upaluiniq uummatikkut mikhivaalliryuummivaktuq angiyumik
  • Mikhiriarnia aktilaanga puvakkut kansuqtaarniq pipkagutauqpialaaq pivaalliryuuminirmut inuukhaaqpaallirniq Kanatamiunut Inuit.