Aanniarutit

Aanniarutit

Ilai aanniarutit pipkarutauvaktut aanniarutinik qupilrunilluunniit hiamalarnit inungnit ahiinut inungnut, anngutikhanilluunniit hunnguhivalungnillu inungnut. Akunginni inungnit, tahapkuat aanniarutit qupilrullu tunittagaulaat haluqtarnirmut qalakturnirmulluunniit, uaqattanngitpalluunniit algangnut. Taapkuat aanniarutit tunittagauyut taimaatut taiyauvaktut “hiamaktitaulaat aanniarutit.”

Amihunnguqpallianinut inuit aullaqattaqtut akunginit nunaliuyut, humulliqaak Kanatami hilaryualluunniit, taapkuat hiamaktarni hiamalaat aanniarutit atuqtaunginnaliqtut. Ilai tahapkuat aanniarutit pipkailaat iqihulinnakaffungnirmik, tahapkuatut qalangniq.  Kihimik tamarmik akhuurnalaarmiyut, pilluaqtumik inutquarnut, nutaqqanut hurungatqiyanulluunniit ilauyunut nunaliuyuni. Atuqpangniqhat hiamalaat aanniarutit Kanatami taapkuat qalakpiarniq (taamna qalangniq), piqurniq, iggiarlukpiarniq, qalaktuqpiarniq puvaglungnirlu.

Pilik ayurnaittumik, ihumattuqhautainnarmut pityuhiq pihimaniit ilatillu hivuuranainniqhamut taimaittunut aanniarutinut. Ihumattuqharnirlu pitquhirmut atuqpiarutaulaaq ilingnik aannialaqittailiniq, pinahuaqurnaitilaaqtaat aannialaqipkarni ahiit. Inuit pilgit hiamallarnik aanniarutinik piyalgit pittailipkarni ahiinut, ilautillugit atuqpiarnit qinirnit havautikhaqtarni munariyauni qilamik, atuqpiarni malingnit havautiturnirmut uqautjaunit, akhullu pinahuarni aanniaqtailinit ahiit.